Kreu i Partisë Demokratike, Lulzim Basha në një dalje për mediat pas takimit me delegacionin e Parlamentit Europiani, u shpreh se u ka shpjeguar atyre se kryeministri Rama ka shkatërruar demokracinë.
“Qeveria të tregojë para shqiptarëve largimin nga krimi, kjo nëpërmjet ikjes së Ramës. Rama ka garantuar stabilitet përmes krimit. Por kjo shkatërron demokracinë. Ky është një proces, i cili varet nga dy momente. Miqtë tanë do ta kuptojnë se po shkohet drejt dështimit. Rama nuk do të mjaftohet me stabilitetin e vendit që e ka bërë copë e çikë, e më pas jep edhe mend për stabilitetin në rajon duke dhënë ide për ndryshime kufijsh. Kjo garë për të zbuluar të vërtetën është në rrugë fituese. Me durim dhe me mirënjohje ndaj ndërkombëtarëve”, tha Basha.
Ai mohoi të ketë bisedime mes tij dhe Ramës, pavarësisht deklaratave nga delegacioni i BE se do të negociojnë mes palëve për të kaluar krizën politike./T.CH
