Kryetari i Partisë Demokratike Lulzim Basha këtë të enjte është takuar me ambasadoren e Shteteve të Bashkuara Yuri Kim.
Përmes një postimi në Twitter Basha ka dhënë detaje në lidhje me këtë takim, ku thekson se e ka njohur ambasadoren me planin e PD-së dhe nevojën për mbështetjen e SHBA në këtë rrugëtim.
“Kënaqësi e veçantë të takohesha sot me ambasadoren e ShBA-ve, znj Yuri Kim. Ndava me të planin e Partisë Demokratike për Shqipërinë dhe nevojën për mbështetjen dhe bashkëpunimin e fortë amerikan, për të përshpejtuar zhvillimim ekonomik, tërhequr investimet amerikane dhe fuqizuar luftën kunder krimit dhe korrupsionit,” shkruan Basha.
Ndërkohë më herët diplomatja amerikane në një postim në rrjetin social Twitter shkruante se SHBA në zgjedhjet e 25 prillit ka pritshmëri për kandidatë të pastër nga ta gjitha partitë.
