Kreu i PD, Lulzim Basha kërkoi rikthimin në Kuvend të 6 ligjeve të vettingut, për të cilat ai tha se Rama ka shkelur marrëveshjen.
Pas takimit me minsitrin e Jashtëm gjerman, Basha tha se i kishte njohur kryediplomatin gjerman me ato që i quajti “fakte të pakundërshtueshme që çmontojnë propagandën e qeverisë”.
Basha tha se i bëri të qartë Gabrielit që nuk është Partia Demokratike që po bllokon reformën në drejtësi dhe procesin e Vettingut.
“Vettingu nuk do bëhet siç e do Edi Rama, as siç e dua unë. Vettingu nuk do bëhet si e do asnjë Kryeministër, sepse është konflikt interesi, sepse qeveria ka në dorë paratë, krimin në këtë rast. Kush do ta hetojë? Gjyqtarët që do të caktojë Edi Rama?! Opozita do kthehet të votojë 6 ligjet kur Edi Rama të shpërbëjë thyerjen e paktit. Zgjedhje të lira e të ndershme vetëm përmes një qeverie teknike”, tha ai.
