Lulzim Basha duket se nuk ka ndërmend ta lëshojë karrigen dhe për këtë është gati të “përleshet” me ata që e kundërshtojnë. Burimet nga brenda PD bëjnë me dije për Gijotina.com se, mbledhja e grupit parlamentar të PD që u zhvillua ditën e sotme është shoqëruar me një sërë debatesh mes Lulzim Bashës dhe deputetëve. Shumë prej tyre kanë kërkuar largimin e Bashës, por debatet më të ashpra kanë qenë mes këtij të fundit dhe Ervin Salianjit. Burime bëjnë të ditur se Ervin Salianji dhe Lulzim Basha gati sa janë përplasur fizikisht.
Ndër të tjera, bëhet me dije se përplasja ka ardhur pasi Salianji ka kërkuar që Basha të hap rrugën për zgjedhjet e kryetarit të ri të PD. Por, kjo është kundërshtuar me këmbëngulje nga deputetja Oriola Pampuri, e vetmja që mbështet Bashën. Dhe si për t’i ardhur në ndihmë kësaj të fundit, Basha ka ngritur zërin dhe ka ashpërsuar gjuhën ndaj deputetëve, duke bërë që situata të dalë jashtë kontrolli.
Situata është tensionuar jashtë masë, ka pasur edhe ndërhyrje me forcë të personave që janë jashtë mbledhjes së grupit parlamentar. Mbledhja është kryer në dhomë “përleshjes”, pasi ka pasur një ndërhyrje njohur, Violeta Gecit. Kjo e fundit i është kthyer ashpër Salianjit, gati në përplasje fizike.
Mbledhja e grupit parlamentar të Partisë Demokratike ka nisur në orën 11:00 dhe vijon ende. Deputetët, përfshirë edhe nënkryetarët e partisë kanë kërkuar tërheqjen e Lulzim Bashës, si mënyrën e vetme për të bashkuar demokratët
