Kryetari i PD-së: Dy akte të rënda nga kryeministri brenda një dite, liroi deputetin gangster dhe kërcënoi Presidentin
“Më së pari nxorri krejt të lirë deputetin gangster Armando Prenga që me dorën e tij shkaktoi gjakderdhje brenda ne komisariat, dhe pak më vonë kërcënoi me shkarkim nga detyra Presidentin e Republikës” me këtë deklaratë, Lulzim Basha ka hyrë në debatin mes presidentit Nishani dhe kryeministrit Rama për dekretet e munguara të ndryshimeve në qeveri.
Kryetari i PD-së tha se Rama po e kërkon me zor një përmbysje se ajo e 20 shkurtit të 25 viteve më parë. “Mercenari Prenga, nën akuzë për plagosje e armëmbajtje pa leje, i lirë, Presidenti i vendit nën paralajmërim, sepse ka vonuar dekretimin e zgrapësit Ahmetaj, çarter-kleptokrati që duhet sa më shpejt të nisë punën për koncesionin e TVSH për Olsin. Këto janë standardet e këtij kryeministri që po kërkon me forcë një fund si të 20 shkurtit”, thotë Basha.
