Kreu i Partisë Demokratike, Lulzim Basha, ka deklaruar se nuk do ketë kthim në Parlament, përderisa Parlamenti është pjesë e krimit dhe rrënimit.
Në një lidhje live për emisionin Opinion, Basha theksoi se sa kohë që kjo çështje nuk zgjidhet dhe sa kohë që qeveria është bërë njësh me krimin, si dhe nuk i hap rrugë zgjedhjeve të lira dhe të ndershme, PD nuk kthehet në Parlament.
“Ligji i vettingut do të votohet vetëm në rastin kur do të hapet rruga për një qeveri teknike, si garanci për të garantuar zgjedhje të lira dhe të ndershme”, tha Basha.
