“Zgjedhjet e lira dhe të ndershme janë , “ilaçi” për politikën e korruptuar”
Kryetari i Partisë Demokratike Lulzim Basha deklaroi se prej 5 ditësh negociatorët e PD-së janë gati për të përgatitur dialogun politik me maxhorancën.
Gjatë një bashkëbisedimi që zhvilloi me shkrimtarë dhe publicistë në çadër Basha përsëriti ftesën për dioalog me Ramën ku i tha atij se nuk duhet një monolog fasadë.
Më tej kryedemokrati gjatë fjalës së tij tha se numërimi elektronik është zgjidhje për zgjedhje të lira dhe se sipas tij vetëm qeveria teknike garanton zgjedhje të lira.
Gjithashtu Basha tha se politika e korruptuar ka sjellë dhe drejtësinë e korruptuar.
“Nuk është drejtësia e korruptuar që polli politikën e korruptuar, por politika e lidhur me krimin që polli drejtësinë e korruptuar dhe ka nevojë për të”- tha Basha.
Ndërkaq kryedemokrati tha se zgjedhjet e lira dhe të ndershme janë , “ilaçi” për politikën e korruptuar.
