Ka rezultuar pa marrevshje, por me nje propozim te ri, takimi mes kryetarit të Kuvendit, Ilir Meta, ambasadorëve Lu dhe Vlahutin dhe kreut të PD-së, Lulzim Basha.
Duke marrë shkas nga situata e krijuar, Basha mblodhi në orën 14:30 Grupin Parlamentar të PD-së, ndërsa pas mbylljes së takimit, burimet pranë kësaj selia pohuan pohuan se po vijojnë negociatat. Ndërkohë, nuk dihet qëndrimi që do të mbajë opozita, ndërsa tre deputetë, Maljinda Brengu, Eduard Selami dhe Genc Ruli u shprehën pro votimit sot në Parlament të reformës në drejtësi.
Ndërkohë, LSI ka njoftuar se nuk do të ketë mbledhje grupi, pasi kanë shprehur qëndrimin e tyre “PRO” miratimit të reformës.
Sipas burimeve, kreu demokrat Basha ka informuar grupin për negociatat midis opozitës dhe mazhorancës, duke deklaruar se ato po vijojnë.
Ndërkohë, deputeti Eduard Selami, i cili ka shprehur votën e tij, ka deklaruar se Partia Demokratike do të paguaj faturën e saj nëse s’ka konsensus.
Selami: Nëse s’ka konsensus PD do të paguajë faturën. Ka dy deklarata të SHBA kundër nesh. Kërkoj konsensus dhe konfirmoj votën pro reformës.
Menjëherë pas mbledhjes së grupit, z. Basha është rikthyer sërish në kryesinë e kuvendit.
