Kreu i opozitës, Lulzim Basha ka mbështetur Organizatën Europa Nostra në mbështetje të Teatrit Kombëtar.
Në një status në Twitter, Basha thekson se Teatri Kombëtar është vjedhja më e dhunshme që u bëhet shqiptarëve nga Rama.
“Afera me TK është vjedhja më e dhunshme që u bëhet shqiptarëve nga Rama. Grabitja e TK në mes të pandemisë është akt lufte ndaj shoqërisë dhe ekonomisë që po rrënohen nga RAMAVIRUSI: varfëri masive, krizë e thellë, papunësi e lartë, institucione të kapura dhe korrupsion rekord.”- tha Basha, i cili kaloi natën me artistët dhe aktivistët në oborrin e Teatrit Kombëtar, për të mbështetur artistët që nuk pranojnë shembjen e Teatrit Kombëtar. Disa orë më parë, Europa Nostra, organizatë europiane për mbrojtjen e trashëgimisë kulturore europiane, e kashpallur Teatrin si një nga 7 ndërtesat më të rrezikuara në Europë, që duhet mbrojtur dhe restauruar. Në deklaratën e mbrëmshmë Europa Nostra tha: “Ne jemi për trashëgiminë kulturore të Europës. Prandaj, edhe kundërshtojmë propozimin për prishjen e paligjshme të Teatrit Kombëtar në Tiranë, një nga 7 sitet kulturore më të rrezikuara në Europë. Teatri është i mbrojtur nga legjislacioni vendas, si dhe shoqëria civile e ekspertët.”
