Kreu i PD-së Lulzim Basha në një dalje për mediat paralajmëroi ashpër deputetët të cilët do të votojnë sot pro rrëzimit të dekretit të Presidentit Meta për koncesionin e rrugës Milot – Balldren.
Basha bëri dhe një paralajmërim të fortë për 2 kompanitë të cilat kanë fituar tenderin e ndërtimit të këtij aksi AKN dhe Xhikuria-s
“Ditën e nesërme AKN dhe Gjikuria do të paralajmërohen zyrtarisht nga Partia Demokratike për pasojat që do të kenë, si subjekt i ligjit antimafia, se çfarë do të ndodhë me to ditën e parë që Partia Demokratike dhe opozita e bashkuar do të vijnë në pushtet. Një letër e ngjashme do tiu dërgohet dhe bankave tyë nivelit të fdytë që do të japin kredi pëqr këto projekte. Ora po afron, është mundësia e fundit për ata individë që ndjejnë përgjegjësi përpara fëmijëve të tyre, që të mos bëhen pjesë e kësaj vjedhje, përndryshe i pret i njëjti fat si padronin e landfillit“, u shpreh Basha.
