Basha letër bankave: Mos rrezikoni me financimin e PPP-ve, janë para të pista

Duhet të lëçisni

Edi Rama fluturon deri në Liban të pozojë me fëmijët që dolën nga kampi famëkeq (film)

U ngut të shkonte në Liban. Shkoi në një hotel luksoz dhe ia sollën katër fëmijë dhe ai filmoi, bëri foto dhe pastaj iku...

Frika nga përhapja e COVID-19 në biblioteka, Kisha e Vienës kthehet në sallë studimi

Kisha Votive e Vienës është transformuar në një ambient ku të gjithë studentët e Universitetit të Vienës mund të shkojnë të dëgjojnë leksionet ose...

Trump kapet me median duke përsëritur 11 herë fjalën “Covid” (film)

Donald Trump mendon se mediat që raportojnë vazhdimisht lajme për COVID-19 kërkojnë vetëm të trembin njerëzit. Gjatë një tubimi në Karolinën e Veriut ai tha:...

Paralajmërimi i frikshëm i NASA-s: Asteroidi pritet të kalojë afër Tokës në orët në vijim

Asteroidi me kodin QD5 2020, i cili sipas NASA-s është me një madhësi sa Piramida e Gizës, pritet të përplaset me tokën në orët...

Kryetari i PD-se Lulzim Basha i ka dërguar bankave të nivelit të dytë dhe Guvernatorit të Bankës së Shqipërisë një letër, ku u bën thirrje që mos të rrezikojnë me financimin e PPP-ve, pasi sipas tij janë para të pista.

Basha kërkon nga banka dhe guvernatori që të mos rrezikojnë me financimin e PPP-ve që pastrojnë para të drogës dhe korrupsionit, pasi  do t’i anullojë.

Në letrën e tij, Basha vë në dukje paralajmërimet e vazhdueshme të opozitës se “sektori bankar është më i ekspozuari nga bashkëpunimi mes qeveritarëve të korruptuar me disa kompani që po përdorin sektorin e ndërtimit për të pastruar paratë e fituara nga aktivitetet e paligjshme.”

Duke theksuar se jo çdo biznes i angazhuar në sektorin e ndërtimit kryen aktivitet të paligjshëm, kreu i opozitës, Lulzim Basha, shprehet se disa kompani kanë marrë leje ndërtimi dhe kontrata publike në nivele të tilla që nuk justifikohen as nga eksperiencat e tyre dhe as nga mundësitë financiare që ato kanë. Zoti Basha përmend si të tilla dy kontratat e fundit PPP për projektet rrugore Milot-Balldren dhe Orikum – Dukat.

“Të dyja kontratat publike, haptazi, cënojnë interesin publik dhe dëmtojnë në mënyrë të rëndë interesat financiare të shtetit shqiptar, duke u siguruar përfitime të padrejta zyrtarëve të korruptuar dhe kompanive private”- thuhet në letrën e kreut të opozitës për bankat e nivelit të dytë, te cilat paralajmërohen gjithashtu për rrezikun financiar nga bashkëpunimi me këto kompani, të përfshira në korrupsion me zyrtarët  publikë.

“Nga vlerësimi i kapaciteteve financiare dhe teknike të kompanive private, të përfshira në këto dy projekte, rezulton se ato nuk kanë mundësi për t’i përfunduar projektet me mjetet e tyre dhe, për pasojë, parashikohet marrja e kredive bankare. Mirëpo, këto kompani nuk kanë mundësinë reale për të kthyer kredinë që do të kërkojnë nga ju, pas momentit të anullimit të financimit të paligjshëm shtetëror, që kanë përfituar si pasojë e veprimeve korruptive.”

Duke vënë në dukje rëndësinë që ka për Partinë Demokratike dhe Opozitën e Bashkuar stabiliteti i sistemit bankar, lideri i opozitës shprehet se e vlerëson të arsyeshme të informojë çdo bankë për fatin e këtyre dy projekteve korruptive. “Duke përfituar nga ky rast, ju kërkojmë zyrtarisht që të vlerësoni me seriozitet informacionin e përcjellë. Ne shprehim besimin e plotë që ju do të distancoheni dhe nuk do të bëheni palë në akte që provojnë mbështetjen ndaj projekteve korruptive dhe që cënojnë interesin publik.”- theksohet në letrën e zotit Basha, ku bankat vihen në dijeni për masat drastike të projektit të PD për goditjen e korrupsionit, krimit të organizuar dhe pastrimit të parave sapo të marrë votëbesimin e qytetarëve për të qeverisur vendin.

Basha shprehet se financimi i të tilla projekteve, që kanë si qëllim pastrimin e parave të trafiqeve dhe korrupsionit, jo vetëm që s’duhet të lejohet, por do të përbënte dhe kriminalizimin e atij personi apo institucioni që ka bashkëpunuar në këtë drejtim.

“Ne presim që banka juaj të aplikojë procesin e “vigjilencës së zgjeruar” në çdo transaksion ku përfshihen subjekte që janë angazhuar në aktivitetet e sipërcituara, veçanërisht, duke patur parasysh indiciet që janë publike jo vetëm nga PD, por edhe nga raportet e institucioneve të specializuara ndërkombëtare.”- shkruan zoti Basha, i cili thotë se mirëpret çdo propozim nga bankat për t’u bërë pjesë e programit për luftën ndaj pastrimit të parave dhe korrupsionit.

Basha shpreh vendosmërinë e tij dhe të opozitës që, me të njëjtën forcë goditëse ndaj fenomenit të korrupsionit e pastrimit të parave, me të njëjtën forcë e vullnet do të mbështesë këdo që beson në konkurencën dhe tregun e ndershëm.

“Ne mirëpresim çdo propozim që do të ndihmonte në krijimin e një ambienti më të mirë në sektorin bankar në funksion të kreditimit të ekonomisë reale dhe jo asaj të mbështur në paratë e krimit dhe të korrupsionit.”- shprehet kreu i opozitës Lulzim Basha në letrën drejtuar bankave të nivelit të dytë në vend dhe, për dijeni, Guvernatorit të Bankës së Shqipërisë, për te cilën beson se, si institucion rregullator duhet të ketë rol aktiv në garantimin e integritetit dhe reputacionit të sistemit bakar, pavarësisht presioneve nga degët e tjera të pushtetit.

Më shumë shkrime

Lër një përgjigje

Ju lutem lini komentin tuaj!
Ju lutem vendosni emrin këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

E Freskët taze

Edi Rama fluturon deri në Liban të pozojë me fëmijët që dolën nga kampi famëkeq (film)

U ngut të shkonte në Liban. Shkoi në një hotel luksoz dhe ia sollën katër fëmijë dhe ai filmoi, bëri foto dhe pastaj iku...

Frika nga përhapja e COVID-19 në biblioteka, Kisha e Vienës kthehet në sallë studimi

Kisha Votive e Vienës është transformuar në një ambient ku të gjithë studentët e Universitetit të Vienës mund të shkojnë të dëgjojnë leksionet ose...

Trump kapet me median duke përsëritur 11 herë fjalën “Covid” (film)

Donald Trump mendon se mediat që raportojnë vazhdimisht lajme për COVID-19 kërkojnë vetëm të trembin njerëzit. Gjatë një tubimi në Karolinën e Veriut ai tha:...

Paralajmërimi i frikshëm i NASA-s: Asteroidi pritet të kalojë afër Tokës në orët në vijim

Asteroidi me kodin QD5 2020, i cili sipas NASA-s është me një madhësi sa Piramida e Gizës, pritet të përplaset me tokën në orët...

Prefekti i Kukësit i ashpër ndaj Task-Forcës: Të infektuarit po dalin në pazar dhe ju s’po bëni detyrën, do mbani përgjegjësi

Prefekti i Kukësit Zenel Kuçana ka kritikuar ashpër drejtuesit e institucioneve kryesore, për të cilët thotë se nuk po e kryejnë si duhet punën...