Pas shkarkimit të Saimir Tahirit nga posti i ministrit të Brendshëm, kreu i Partisë Demokratike, Lulzim Basha ka theksuar se është një truk për t’i hedhur hi syve shqiptarëve dhe ndërkombëtarëve.
“Lajmi se ka shkarkuar Tahirin është një truk për t’i hedhur sy shqiptarëve, opinionin ndërkombëtar. Për bindjen që kanë të gjithë se vetë qenia në pushtet e Ramës përbën kërcënim të zgjedhjeve të lira e të ndershme për shkak të lidhjes me kriminelët që e sollën në pushtet. Sot e deri në fitore nuk do lodhemi së përsërituri se kjo protestë bëhet për pushtetin e PD dhe Bashës, por për zgjedhjet e lira të shqiptarëve. Për më shumë se 6 muaj ja kërkojnë partnerët tanë të huaj strategjikë, kjo është vetëm fitore e juaj, dhe e bashkimit qytetar, dhe prova e qartë se forca e vetme e ndryshimit është bashkimi qytetar dhe kjo lëvizje popullore. Sot nuk është koha as për eufori e as për festë, por për një bashkim edhe më të madh se beteja do të fitohet vetëm përmes kurajës, qëndresës e sakrificës.”, pohoi lideri i PD-së.
