Kreu i PD-së, Lulzim Basha tha se në protestën e sontme vendoset fati i Shqipërisë për 50 vitet e ardhshme.
“Kjo nuk është lojë, kjo është betejë për jetë a vdekje. Është Shqipëri europiane, me drejtësi europiane me ekonomi europiane, ose beteje deri në fund, deri në fitore, Rama ik.
Sakrificat që kjo betejë kërkon nuk bëhen në emër të një partie politike apo koalicioni. Fati i Shqipërisë në 50 vitet e ardhshme përcaktohet sonte ndaj bashkimi jonë është i pakthyeshëm. Rama ik.Se kush është vija jonë e kuqe le t’ia tregojmë sonte, nga fundi i sheshit Skëndërbej te fillimi i Nënë Terëzës, e duam Shqipërinë si gjithë Europa”- tha Basha.
