Kryetari i Partisë Demomkratike, Lulzim Basha, në ditën e 11 të protestës tha se beteja e parë është fituar, frika është vrarë, kurajo qytetarë po ngrihet nga jugu në veri, anembanë Shqipërisë.
“Në çdo fshat e në çdo qytet të Shqipërisë rilindasit sëbashku me bandat kriminale kanë ngritur shtabet e tyre elektorale me komandantë të hurit dhe litarit, me trafikantë droge si Artur Bushi, me vrasës si Mark Frroku, me gjobëvës si Emiljano Shullazi, me trafikantë të motrave dhe grave si Arben Ndoka”, tha Basha.
Basha, qeveria është bërë njësh me krimin dhe po vë në rrezik zgjedhjet dhe demokracinë.
“Krimi i bërë njësh me pushtetin vë në rrezik zgjedhjet e ardhshme, rendin demokratik dhe drejtësinë e vërtetë dhe të pakapur. Sot reforma kushtetuese e 22 korrikut në drejtësi është në rrezik nga krimi që kërcënon njësoj zgjedhjet, rendin demokratik dhe drejtësinë e pakapur”, tha Basha.
Kreu i PD-së përsëriti se ka ardhur koha që kjo Republikë të rrëzohet dhe garancia për këtë janë qytetarët shqiptarë.
