Kreu i Partisë Demokratike, Lulzim Basha është takuar me krerët lokalë të kësaj partie, fukusi i të cilit ishte aksioni politik i opozitës, ku pritet të përfshihen edhe qytetarët. Basha tha se realiteti në Shqipëri, ku po lulëzon krimi dhe droga po vë në rrezik integrimin e vendit.
“Do të konkludojmë me vendime e duhura si për aksionin politik ashtu si përsa i përket alternativës, programit, ekipit tonë të ri. Lajmet e këtyre ditëve nuk janë lajme të mira. Ky realitet po vë në rrezik integrimin e vendit”, tha Basha.
Basha tha më tej se realiteti i drogës e krimit po theksohet nga Europa. “Rama në vend që të reflektojë, fsheh realitetin”, tha ai.
