Kryetari i Partisë Demokratike, Lulzim Basha ka deklaruar se se më datë 12 maj banda kriminale do të tundet nga protesta e opozitës së bashkuar.
Në një bashkëbisedim me qytetarët, Basha tha se në krye të vendit është Rama dhe banda e tij, e cila qeveris me kërbaç e duke bashkëpunuar me krimin.
“Kjo bandë kriminale më datë 12 maj do të dëbohet. Ka ardhur koha që të bëhet e qartë si e ndarë me thikë dallimi mes një bande kriminale në pushtet dhe asaj që ne duam të bëhet kur të qeverisim nesër. Kjo bandë me në krye Ramën bashkëpunon me krimin, kurse ne premtojmë dhe realizojmë sipas standardeve më të mira europiane”, tha Basha.
Badha premtoi nisjen e një të ardhme europiane për Shqipërinë dhe largim, sipas tij, të atyre që e duan vendin të zhytur në krim e korrupsion. Ai theksoi se me ardhjen në pushtet të tij do të bëhen subvencione në bujqësi, do të ketë ndryshime radikale pozitive, sipas standardeve europiane.
Kujtojmë që opozita ka paralajmëruar një protestë të madhe më 11 Maj.
