Kryeministri Edi Rama më herët publikoi një video në Instagram, ku krahasonte premtime e Berishës në 2013 i cili thoshte se paga e mësuesve do shkojë 700$, me premtimet e Bashës sot i cili thotë se paga do bëhet 700 euro.
Rama tha se plani është i njejtë, por ndryshon vetëm kursi i këmbimit.
Ndërkohë ka reaguar për thumbimin e Ramës dhe kreu i PD-së, Lulzim Basha, i cili thotë se gjatë qeverisjes së demokratëve, pagat u dyfishuan ndërsa në kohën e socialistëve i gjithë vendi mbeti në vendnumëro.
Shënimi i Bashës
Gjatë qeverisjes së Partisë Demokratike pagat e mësuesve u dyfishuan. Gjatë 8 viteve të Ramës ato mbetën vendnumëro. E gjithë Shqipëria ka mbetur vendnumëro prej tij dhe dështimeve të tij në çdo drejtim. Ka ardhur koha që kjo të ndryshojë. Ka ardhur koha për një qeveri që kujdeset për mësuesit dhe për të gjithë qytetarët.
