Kreu i Partisë Demokratike, Lulzim Basha ka ngritur disa pyetje ndaj kryeministrit Edi Rama ndërsa thotë se ka ardhur koha të pranojë përgjegjësitë për dështimet e tij.
Me anë të një reagimi në rrjetet sociale, Basha thot se të gjithë janë lodhur me justifikimet e kryeministrit që sipas tij, ua hedh fajin gjithnjë të tjerëve.
Ja përgjigjet e Bashës:
Mjaft me shfajësime personale dhe fajësimin e të tjerëve zoti Rama! Të gjithë janë lodhur me justifikimet e tua për dështimet e tua, gjithmonë duke mbrojtur veten, kurrë popullin tënd, asnjëherë gati të pranosh përgjegjësinë tënde.
Fakti është, Europa të ka refuzuar. Ti ke dështuar.
Kujt do t’ia hedhësh fajin për dështimin me shëndetësinë? Kujt do t’ia hedhësh fajin për ekonominë e shkatërruar? Kujt do t’ia hedhësh fajin për qeverinë tënde të korruptuar?
Ka ardhur koha të pranosh përgjegjësitë për dështimet e tua! Është mbushur kupa. Europa të ka refuzuar dhe shqiptarët do të refuzojnë.
