Kreu i PD, Lulzim Basha ka deklaruar se denoncimet e tij ndaj Suel Çelës datojnë që nga viti 2015 e deri në zgjedhjet e 25 Prillit. Sipas tij ai bashkë me elementë të tjerë në Elbasan janë ekzekutorë të masakrës zgjedhore. Basha u shpreh se demokratët këta elementë janë përfshirë deri në pengmarrjen e krerëve të grup seksioneve të PD në Elbasan për të ushtruar presion ndaj tyre.
“Nuk është e vërtetë. Këta kriminelë që e kanë vendin pas hekurave i ka thirru Sali Berisha për të vepruar, këta e bëjnë këtë për të përçarë PD. Sali Berisha të distancohet nga Suel Çela tani që faktet janë bërë publike këta kriminel janë përfshirë në shantazhe të kryetarëve të grup seksioneve, të dënonte këtë vendim deri në marrjen e masave”, tha Basha.
“PD ka të qartë rregullat e shkruara. Ata po përdorin demokratët për “mish për top” dhe për shoë mediatik. PD ka një Kuvend më 18 dhjetor dhe po keqpërdorin demokratët. Paloka së bashku me Berishën duhet të ndiqnin rrugën statusore, rruga që ka ndjekur nuk i ka dhënë produktin e dëshiruar. Faktor ekstra ekonomik, oligark, krimin e organizuar po përçan PD”, tha Basha.
