Basha: Ushtrimi i të drejtës për t’u vetëqeverisur, kthen besim tek politika
Kryetari i Partisë Demoktatike Lulzim Basha ka ftuar të gjithë anëtarët, mbështetësit e PD, por edhe qytetarët që të propozojnë emra për deputetë që ata do të dëshirojnë t’i kenë në zgjedhjet e 18 qeshorit.
Përmes një faqe online PROPOZO DEPUTETIN TËND, PD ka bërë të mundur që çdo qytetar të propozojë ata ose ato deputetë që duan që t’i përfaqësojnë në parlament.
Në një postim në Facebook Basha tha se mbi këto propozime do përzgjidhet lista e kandidatëve demokratë për deputetë, të cilët do t’i nënshtrohen një procesi të vetingut të figurës, profesionalizmit dhe të së shkuarës komuniste.
Sipas Bashës ka vetëm një mënyrë për të rikthyer shpresën dhe besimin tek politika dhe është ushtrimi i të drejtës për t’u vetëqeverisur.
