Kryetari i Partisë Demokratike Lulzim Basha i tha Kryeministrit Rama se nëse do të organizohej një 18 Shkurt i dytë të gjen në Lanë, jo në zyrë.
Nga çadra ku po mbante një bashkëbisedim me të rinjtë Basha iu drejtuar Ramës duke thënë: “Jemi këtu më këta misionarë të paqes sepse ne duam që ikja jote të ketë sa më pak kosto për Shqipërinë. Edi Rama ta dish se jemi këtu për të të shpëtuar lëkurën që të mos përfundosh si Duçe”.
Më tej kreu i Partisë Demokratike u premtoi të rinjve se “Republika e Re “do të anulojë që ditën e parë të qeverisjes së saj ligjin e arsimit të lartë. Gjithashtu, Basha u premtoi atyre se do të ketë sa më shumë të rinj në Parlamentin e “Republikës së Re”.
