Partia Demokratike ka mohuar zërat për një takim mes kryetarit Luzlim Basha dhe kryeministrit Edi Rama në Rinas.
Në media u raportua se Basha dhe Rama mund të kenë patur një takim mes tyre, ndërkohë PD e ka hedhur poshtë këtë lajm.
Përmes një deklarate, selia blu ka sqaruar që nuk ka patur asnjë takim mes kryedemokratit dhe kryeministrit, duke e cilësuar si gënjeshtër për të mbuluar vjedhjen e votave.
“Nuk ka patur asnjë takim midis Lulzim Bashës dhe Edi Ramës. Kjo është një gënjeshtër tjetër për të mbuluar vjedhjen më të madhe të votave në historinë e Shqipërisë nga Rama-Doshi-Rakipi dhe bandat e tyre”,- thuhet në reagimin e PD-së për mediat.
