Pasi mbajti fjalën e tij para protestuesve Basha i ftoi ata të marshojnë drejt kryesisë së Kuvendit, atje ku para pak minutash Rama përfundoi takimin me kryeparlamentarin Ruçi. Kryeministri ka anulluar takimin në Gjirokastër, por tashmë ai ka lënë edhe Kryeministrinë, ndërsa nuk ka pasur asnjë reagim prej tij.
“Le ta nisim udhëtimin tonë tani. Ndiqmëni bashkë. Asnjëri të mos mungojë të gjithë pas nesh të dorëzojmë në mënyrë finale të pakthyeshme mandatet e deputetëve për ti dhënë fund fasadës së regjimit kriminal, të marrim në dorë fate tona. Të gjithë pas meje për të finalizuar këtë akt historik dhe patriotik”, tha Basha në nisje të marshimit.
