Lulzim Basha ditën e sotme ka zhvilluar një takim me një grup pensionistësh duke dëgjuar shqetësimet e tyre. Në një postim në Facebook, kryetari i PD-së shprehet se u premtoi rritjen e pensionit nëse do të vijë në pushtet pas 25 prillit.
“Bashkëbisedova sot me një grup pensionistësh, me të cilët shkëmbyem përshtypjet rreth programit tonë “Shqipëria fiton mirëqenien sociale”. Këta heronj të kontributit në shoqërinë tonë, kanë të drejtë të jenë të zhgënjyer nga gjuha e drunjtë dhe premtimet boshe të Edi Ramës dhe qeverisë së tij. Ata u braktisën në momentet më kritike, në mes të pandemisë COVID-19.
I sigurova qytetarët se ne nuk kemi prezantuar premtime, por angazhime që janë pjesë e një plani pune të plotë dhe realist, që nesër do të shndërrohet në program qeverisës. Ne do t’i rrisim pensionet sa dyfishi i normës së inflacionit dhe jo më pak se 5% çdo vit. Reforma e shërbimit shëndetësor që kemi bërë gati, ulja e kostove të jetesës duke ulur çmimin e energjisë dhe taksave në tërësi, do të jenë pjesë e paketës së përfitimeve për prindërit dhe gjyshërit tanë pensionistë.
