Kreu i Partisë Demokratike, Lulzim Basha ka ripërsëritur sërish akuzat ndaj kryeministrit, Edi Rama, duke thënë se në 8 vite nuk ka përmbushur asnjë premtim.
Në një postim në rrjetet social, Basha shkruan se në vitin 2013 Rama premtoi shëndetësi falas për të gjithë, 300 000 vende pune, kosto më të ulëta jetese dhe futjen e Shqipërisë në BE, por këto premtime nuk janë mbajtur.
“Rama në vitin 2013: Ju premtoj shëndetësi falas për të gjithë, 300 000 vende pune, kosto më të ulëta jetese dhe futjen e Shqipërisë në BE. Rama dje, pasi nuk ka përmbushur as edhe një prej premtimeve të tij për 8 vjet: Dua të zgjidhem sërish që të mbaj premtimet. Shqipëria më 25 prill: Rama humb, fiton Shqipëria dhe qeveria, më në fund, fillon të punojë për qytetarët!”, shkruan Basha.
