I ftuar në emisionin “Opinion”, sekretari i Partisë Demokratike, Gazment Bardhi, komentoi zgjedhjet që po bëhen në PD nga Komisioni i rithemeilimit. Bardhi tregoi rastin e degës 8, ku tha se për shkarkimin e Bashës, u pretendua që tek 8 morën pjesë 774 nga 1600 anëtarë që ka dega, ndërsa sot zgjedhjet dhe nga deklarimet, u tha se morën pjesë 315 anëtarë. Sipas tij, në katër muaj, nga deklarimet e bëra nga vetë ata, kanë humbur 400 anëtarë.
“Tani për pjesëmarrjen, duke iu referuar të dhënave të të njëjti komision. Në referendumin që u bë për shkarkimin e Bashës, u pretendua që tek 8 morën pjesë 774 nga 1600 anëtarë që ka dega. Sot u zhvilluan zgjedhjet dhe nga deklarimet, u tha se morën pjesë 315 anëtarë. Pra në katër muaj, nga deklarimet e bëra nga vetë ata, kanë humbur 400 anëtarë. Ndërkohë që 315 me 1600 anëtarë që ka dega, bëjini vetë llogaritë që sa veta kanë marrë pjesë. Të marrin degën, morën pjesë 706 anëtarë për shkarkimin e Bashës, dje u zhvilluan zgjedhje, morën pjesë 470 anëtarë. Për tre apo katër humbën sërish. Dega ka 2018 anëtarë, pjesëmarrjen llogariteni vetë. Fituesi ka 250 vota, ka vetëm 10% të anëtarëve. Ky është fenomeni” – tha Bardhi.
Kujtojmë se Komisioni i Rithemelimit zhvilloi zgjedhjet në 6 degë të tjera të Partisë Demokratike.
