Sekretari i Përgjithshëm i Partisë Demokratike, Gazment Bardhi, i është përgjigjur deklaratës së Presidentit Meta, ku ky i fundit akuzoi Bashën dhe Bardhin se gënjejnë për zgjedhjet e 30 qershorit 2019, për t’iu ikur përgjegjësisë.
Me anë të një statusi në facebook, Bardhi shkruan se një sulm më pak nga Ilir Meta nuk ndryshon asgjë në raport me të vërtetën. Sipas tij, Meta nuk e mbajti premtimin për t’i shkuar deri në fund të vërtetës kushtetuese për zgjedhjet lokale të 30 Qershorit 2019.
“Një sulm më shumë, një sulm më pak nga Ilir Meta nuk ndryshon asgjë në raport me të vërtetën. Presidenti nuk e mbajti premtimin për t’i shkuar deri në fund të vërtetës kushtetuese për zgjedhjet lokale të 30 Qershorit 2019. Ai nuk iu drejtua Gjykatës Kushtetuese për të provuar se kishte të drejtë për shtyrjen e zgjedhjeve” – shkruan Bardhi.
Më tej, Bardhi shkruan se gjuha e Foltores nuk mund të jetë kurrë gjuhë e institucionit të Presidentit, pavarësisht halleve të përbashkëta të Ilir Metës, Edi Ramës dhe Sali Berishës.
“Gjuha e Foltores nuk mund të jetë kurrë gjuhë e institucionit të Presidentit, pavarësisht halleve të përbashkëta të Ilir Metës, Edi Ramës dhe Sali Berishës. Duke i uruar punë të mbarë Presidentit të Republikës, i sugjeroj lexim të kujdesshëm të vendimit të Gjykatës Kushtetuese” – shkruan Bardhi në facebook.
