Në jo pak raste shqiptarët janë shpallur në kërkim nga policitë e vendeve europiane për vjedhje nga më të ndryshmet, por mashtrime “inteligjente” në pak raste kemi hasur. I tillë është rasti i të riut Denis Marku. Policia angleze ka kërkuar ndihmën e publikut për të identifikuar vendndodhjen e një shqiptari i cili akuzohet për mashtrime financiare me pasojë vjedhjen nga një bankë 3 milionë stërlina.
Policia londineze thotë se 21-vjeçari shqiptar ishte punonjës i banke dhe se ka dyshime të forta se ai keqpërdori këtë pozicion pune për të vjedhur 3 milionë stërlina. Marku kishte rolin e asistentit të klientëve dhe kishte akses në llogaritë bankare të mijëra britanikëve në degën e bankës Metrobank.
Shqiptari punonte në degën e një banke në zonë Chelsea në Londër e cila njihet si një ndër zonat më të pasura të kryeqytetit anglez.
