Kreu i grupit parlamentar të PS-së, Taulant Balla i pranishëm në ceremoninë e konstituimit të Këshillit të ri bashkiak në Elbasan, theksoi rëndësinë që ka për kohën e sotme bashkëpunimi rajonal në fuqizimin ekonomik të jetës së komuniteteve.
Balla u ka bërë thirrje të 7 kryebashkiakëve të këtij Qarku që të ideojnë një bashkim të ndërmarrjeve në mënyrë që të rritet efiçensa e tyre. Eksperiencë të shkëlqyer europiane ka tha kreu i grupit parlamentar socialist.
“Sot u përmbyll cikli i plotë i konstituimit të qeverisjes vendore pas zgjedhjeve të 30 qershorit. Pas raportit të ODIRIT lidhur me këto zgjedhje, u provua se ato kanë qenë demokratike për sa kohë që asnjë partie nuk i është mohuar e drejta për të marrë pjese. Shqipëria dhe Maqedonia e Veriut i kanë përmbushur të gjitha pritshmëritë e BE lidhur me reformat e thella që janë ndërmarrë. Dua t’u them se jam besimplotë se në tetor do të kemi një lajm të mirë për rrugën drejt BE- se. Kuvendi është i angazhuar në vijim të punës për disa reforma ndërsa ajo zgjedhore mbetet prioritet i këtij sezoni parlamentar. Lajmi që presidenti takon Ballën, për mua nuk përbën lajm”, tha Balla.
