Deputeti i PS, Taulant Balla ka thumbuar LSI-në duke thënë se mazhoranca e ka opozitën brenda të majtës.
Nga Elbasani gjatë një aktiviteti me FRESSH, Balla tha se LSI-ja po bën opozitë në vend të asaj të vërtetës që ka bojkotuar institucionet dhe proteston para kryeministrisë.
Sa i takon qëndrimit të deputetes Monika Kryemadhi për Reformën në Arsim, Balla tha se bëhen për të manipuluar brezin e ri.
Balla theksoi se Partia Demokratike është partia që ka harruar idealet për liri dhe demokraci që kishte 26 vjet më parë.
Ai i ka bërë edhe njëherë thirrje PD që të lërë mënjanë interesin e ngushtë të disa zyrtarëve të saj, por të vijë e të bëjë detyrën në parlament dhe të votojë edhe ngritjen e komisioneve.
