Në minutat e fundit, mazhoranca ka bërë disa ndryshime përmes një amendamenti të ballës në sekondat e fundit para se ligji “anti-shpifje” të votohej në Parlament.
Ndryshimet e fundit i japin AMA-s të drejtën për tu hequr, pezulluar, shkurtuar apo hequr licencën kanaleve televizive dhe radiove për shkelje të parashikuara në paketën “anti-shpifje”.
Kujtojmë se pasditen e sotme Kuvendi miratoi me 82 vota pro “Paketën Antishpifje”, duke e bërë kështu Ramën kryeredaktor të të gjitha lajmeve.
Amendamenti i Ballës në Parlament:
Në nenin 132 në pikat c, ç dhe d, që ishin vetëm, pezullim, ulje e kohëzgjatjesh dhe heqje e licencës ose autorizimit, shtohet edhe fjala “për ofruesit e shërbimeve audio dhe audio-vizive”.
Pra pezullim të përkohshëm të licencës dhe/ose autorizimit (shtohet) për ofruesit e shërbimeve audio dhe audio-vizive
ç. uljen e kohëzgjatjes së vlefshmërisë së licencës dhe/ose autorizimit (shtohet) për ofruesit e shërbimeve audio dhe audio-vizive
heqje të licencës dhe/ose autorizimit (shtohet) për ofruesit e shërbimeve audio dhe audio-vizive
Cka do të thotë se në rast të shkeljeve të dispozitave të ligjit dhe aketeve nënligjore që do të dalin më tej të paketës “anti-shpifje” do të jenë të detyruar t’i zbatojnë edhe televizionet, në të kundërt, në rast të mos zbatimit të tyre, do të gjobiten ose do të arrihet deri në heqje të licencave të tyre.
Ndryshime këto që shpëtojnë portalet nga mbyllja, por që kthehen në një rrezik real për televizionet të cilët mund të mbyllen me vendim të AMA-s.
