Taulant Balla ka paditur në gjykatë deputetin demokrat Ervin Salianji. Balla ka paditur Salianjin pas akuzave që deputeti demokrat ka lëshuar ndaj tij, lidhur me çështjen Babale, si edhe për udhëtime me charter me biznesmenin Edmond Bego.
Balla kërkon 1 milionë lekë dëmshpërblim nga Salianji, si edhe njofton se ditën e nesërme do të paditet në Gjykatë edhe deputeti Luçiano Boçi.
Salianji i është përgjigjur socialistit ku shkruan me ironi se 10 milionë lekë nuk janë asgjë, në krahasim me paratë që i ka dhënë Fredi Alizotit.
“Unë që “ i dhashë” Alizotit 200.000 Euro, për Ballën 10 milion lek janë hiç. Të gjtha paratë që kemi të shkojnë për fondet e riedukimit, të ndihmojmë PS nga shoket e krimit! Sapo ka filluar! Të fala departamentit të shpifësave!”, ka shkruar Salianji.
