Prej disa ditësh avokati Altin Goxhaj ka qenë i shtruar pranë repartit të infektivit në QSUT, pasi kishte një gjendje helmimi, e cila ende nuk është zbuluar se prej çfarë i është shkaktuar.
Nëpërmjet një postimi në rrjetet sociale, avokati Goxhaj njofton se mëngjesin e sotëm i ka pasur të gjitha parametrat jetësor në gjendje normale, ndërsa shton se do të largohet jashtë vendit për diagnostikim më të saktë.
Avokati falenderon gjithë miqtë e tij për mbështetjen që i kanë dhënë ndërsa premton se tani fillon lufta e vërtetë me Establishmentin Për Shqipërinë.
Postimi i plotë i Goxhajt:
Sot është mëngjesi i parë që i kam të gjithë parametrat në rregull që nga ushqyerja e deri te nxjerrja jashtë por ende s’kemi gjetur diagnozën e kujt helmimi. Temperatura është stabilizuar dhe s’ka më 40 gradë. Dhimbjet dhe lodhja kanë ikur.
Ndaj përveç se të mbaroj serumet do iki jashtë për disa ditë për të bërë diagnostikimin e plotë. Në këmbë më keni që sot. Ndaj ju falënderoj për superinkurajimin dhe ju premtoj që tani fillon lufta e vërtetë me Establishmentin Për Shqipërinë! Ju dua shumë shumë shumë.
Tani pas 2 javësh jam duke pirë për herë të të parë, kafen e mëngjesit poshtë pavionit të Infektivi.
Helmohet avokati i njohur, Altin Goxhaj: Nuk e di a do gëdhij të nesërmen
