Radhë të gjata e trafik i rënduar në “Mbikalimin e Rinasit”, kjo është situata që raportojnë qytetarë të shumtë për gijotina.com në këto momente.
Prej 30 minutash dhjetëra automjete janë bllokuar në autostradë, ndërsa raportohet se policia rrugore nuk ka ndërhyrë për të mundësuar qarkullimin sa më shpejtë të automjeteve. Shoferët manovrojnë çdo hapësirë dhe rrugë alternative për të dalë nga kaosi i trafikut.
Kjo rrugë është shfaqur gjithmonë problematike, sidomos në fundjavë ku qytetarët ngecen për orë të tëra dhe detyrojnë të presin derisa të normalizohet situata. Skena e sotme thuajse paraqitet në pjesën më të madhe të akseve kryesore në Tiranë, sidomos në kryqëzime.
Theksojmë se, trafiku në kryeqytet vijon të jetë një problematikë e theksuar, ku qytetareve u duhen me orë të tëra jo vetëm për të hyrë në kryeqytet, por edhe për të lëvizur brenda tij duke shkaktuar kaos, zhurmë dhe bori pafund nga humbja e durimit duke qëndruar me orë të tera në rrugë.
