Një aksident me pasojë vdekjen ka ndodhur pasditen e së dielës në aksin rrugor Qafë Thanë-Librazhd. Bëhet e ditur se rreth orës 14:35, në aksin rrugor Qafë Thanë-Librazhd, në vendin e quajtur “Guroja”, një autobus që drejtohej nga një 55-vjeçar është përplasur me një furgon që drejtohej nga një 60-vjeçar.
Për pasojë, ka humbur jetën shoferi i furgonit dhe kanë mbetur të lënduar katër pasagjerë që ndodheshin na autobus. Të lënduarit ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
