Ministri i Brendshëm, Fatmir Xhafaj ka deklaruar se në lidhje me akuzat e vëllait të tij Agron Xhafaj që sipas opozitës është dënuar me 7 vite e 2 muaj burg për trafik droge, i ka kërkuar dorëheqjen kryeministrit Pandeli Majko në atë kohë.
Përmes një deklarate për mediat, Xhafaj tha se siç është e njohur vëllai im ka marrë një dënim në Itali, për një muaj por më pas ishte lënë i lirë nga autoritetet italiane.
“Në respekt të qytetarëve po jap shpjegimet e duhura për çështjen. Serioziteti më detyron që këtë shprehim ta bëj mbi fakte dhe prova. I paraqitem sot opinionit publik për sa vijon. Siç është e njohur vëllai im ka marrë një dënim në Itali. Kam bërë deklarime për këtë çështje dhe kushdo që do të vërtetoje koherëncën në vite mund ta bëjë se janë publike. Po e risjell këtë çështje. Vëllai im ka qënë 22 vjeç dhe ngjarja ka ndodhur në vitin 2002. Unë i kam kërkuar kryeministrit të kohës dorëheqjen, por Kryeminsitri Pandeli Majko refuzoi dorëheqjen time në atë kohë.”-tha Xhafaj.
