Gjatë 24-orëve të fundit në vend nuk është shënuar asnjë vdekje COVID-19, ndërkohë që janë diagnostikuar dy raste pozitive nga 4024 testime të kryera. Rastet e reja janë evidentuar një në qytetin e Shkodrës dhe një tjetër në qytetin e Durrësit.
Ministria e Shëndetësisë bën me dije se aktualisht janë 53 pacientë aktivë me koronavirus në të gjithë vendin, prej të cilëve dy po marrin trajtim spitalor të specializuar në Infektiv.
Njoftimi i plotë i MShMS:
Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127.
Në 24 orët e fundit janë kryer 4024 testime, nga të cilat kanë rezultuar positivë me Covid19 dy qytetarë: 1 rast në Shkodër, 1 në Durrës.
Aktualisht janë 53 pacientë aktivë me COVID19.
Në Spitalin Infektiv po marrin trajtim spitalor të specializuar 2 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 5 qytetarë gjatë 24 orëve të fundit, duke e çuar numrin e të shëruarve në 130,014 që nga fillimi i epidemisë.
