Në Tiranë dhe Kurbin janë asgjesuar plot 3286 bimë kanabis,por autorët janë ende të paindetifikuar.
Në kryeqytet, specialistët e Komisariatit të Policisë nr 4, gjatë kontrollit të territorit për parandalimin dhe goditjen e kultivimit të bimëve narkotike në fshatin Domje, në vendin e njohur si “Kodër Domje”, kanë evidentuar dhe asgjesuar 1436 bimë të dyshuara narkotike.
Bimët ishin kultivuar në dy parcela pranë njëra-tjetrës.Policia po punon për identifikimin dhe kapjen e autorëve, ndërsa materialet i’u kaluan Pokurorisë pranë Gjykatës së Shkallës së Parë Tiranë, për veprën penale “Kultivimi i bimëve narkotike”.
Ndërkaq në Kurbin, në zbatim të planit të operacionit “Godull 2” është bërë kontroll në zonën e pyllëzuar me të njëjtin emër, në fshatin Adriatik.
Gjatë kontrollit janë zbuluar 4 parcela të përmasave të ndryshme, brenda të cilave ishin mbjellë gjithsej 1850 bimë të dyshuara si narkotike të llojit kanabis, me gjatësi 10 cm-1.5 m.
Bimët u asgjësuan me anë të djegies, ndërsa po punohet për identifikimin dhe kapjen e autorëve.
Materialet u referuan Prokurorisë së Rrethit Gjyqësor Kurbin për veprën penale të “Kultivimi i bimëve narkotike”.
