Policia e Vlorës ka asgjesuar 1000 rrënjë bimë narkotike Kanabisë Sativa, ndërsa ka arrestuar 8 persona dhe ka sekuestruar 4 armë zjarri.
Persona janë kapur në flagrancë në fshatin Tragjas i Vjetër, pranë vendit të quajtur “Përroi i vilave”, në një parcelë të hapur posaçërisht për kultivimin e bimëve narkotike, në të cilën u gjetën të mbjella rreth 1000 rrënjë bimë të llojit Cannabis Sattiva, të cilat u asgjësuan me copëtim dhe djegie me zjarr.
Te arrestuarit:
Rajmond Selfaj, 33 vjeç, banues në Vlorë.
Saimir Hoxhallari, 36 vjeç, banues në fshatin Orizaj, Berat.
Taulant Kalaj, 26 vjeç, banues në Vlorë (i dënuar më parë për “Vjedhje”)
Dorian Rexhepaj, 30 vjeç, banues në Vlorë.
Geraldo Zeneli, 23 vjeç, banues në Vlorë.
Romarjo Ymeri, 21 vjeç, banues në fshatin Orizaj, Berat.
Arben Hodaj, 51 vjeç, banues në Durrës.
Tahir Imaj, 47 vjeç, banues në Vlorë.
Gjithashtu, nga kontrolli i ushtruar përreth zonës ku këta shtetas qëndronin, janë gjetur (të fshehura) dhe sekuestruar në cilësinë e provës materiale 4 armë zjarri:
– 1 armë zjarri “Automatik model-56”,
– 3 armë zjarri të tjera “Pushkë10, model-56”
– 1 krëhër me 30 fishekë të kalibrit 7.62 mm.
Punohet për zbulimin dhe kapjen e autorëve të tjerë të implikuar në këtë veprimtari kriminale.
