Gazetari Artan Hoxha ka folur këtë të mërkurë për ekzistencën e një videoje, ku sipas tij Enver Stafuka ka treguar vrasjen e 31 personave.
Ai tha në emisionin “Opinion”: “Kam dhe një rast tjetër që jam duke e gjurmuar, por nuk e di sa sukses mund të kemi. Dyshimet janë që personi, i cili ka deklaruar para se të ekzekutohej, se e kanë torturuar keq është një person që është rrëmbyer. Kemi bërë dhe ne emision. E kanë rrëmbyer banditë të veshur si forca speciale (Enver Stafuka). Dhe para se ta vrisnin e kanë torturuar dhe e kanë filmuar. Unë nuk e di dhe uroj që të jetë ajo kasetë në qarkullim, se ai ka treguar 31 vrasje. Ai është vrasës me pagesë, prandaj e kanë torturuar. Tek ai regjistrim dalin dhe vrasje shumë të bujshme në Tiranë që ne nuk i kemi…
Rreth 5 vite më parë, katër personave të veshur me uniforma të Forcave Speciale rrëmbyen në qendër të Fushë-Krujës, Enver Stafukën që u dyshua për vjedhjen e automjetit, me të cilin u krye atentati ndaj kryekomisar Dritan Lamajt.
Fillimisht denoncimi në policinë e Fushë-Krujës u bë nga vëllai i tij. Sipas dëshmisë së familjarëve, Enveri ishte duke pirë kafe në një lokal përballë biznesit të familjes Stafuka, kur 4 persona të veshur me jelekë policie dhe të armatosur, iu afruan dhe nën kërcënimin e armëve e futën forcërisht në një automjet”.
