Ditën e sotme Kosova dhe Serbia arritën marrëveshjen për dokumentet. Për këtë ka reaguar edhe emisari i Bashkimit Evropian për dialogun, Kosovë-Serbi, Miroslav Lajçak, i cili ka falënderuar të dërguarin e posaçëm amerikan për Ballkanin Perëndimor, Gabriel Escobar për angazhimin në dialog.
Në një postim në Twitter, Lajcak e falënderon Escobarin për mbështetjen dhe angazhimin e diplomacisë amerikane në dialogun mes Kosovës dhe Serbisë.
“Falënderoj Gabriel Escobar dhe diplomacinë amerikane për angazhimin e tyre të fortë në mbështetje të dialogut të lehtësuar nga BE-ja” – shkroi Lajcak.
Ndërkohë, përfaqësuesi i Lartë i BE-së për Politikë të Jashtme, Josep Borrell ka bërë të ditur se Kosova dhe Serbia kanë arritur marrëveshje për dokumentet identifikuese. Serbia ka vendosur të pranojë dokumentet kosovare, me këtë rast duke u hequr pengesat për lëvizje të lirë për kosovarët.
I thank DAS Escobar and the ?? diplomacy for their strong engagement in support of the ??-facilitated Dialogue. https://t.co/6UqwpMh1Zn
— Miroslav Lajčák (@MiroslavLajcak) August 27, 2022
