Të martën në Portin e Durrësit është ndaluar një rast i kontrabandës së cigareve të llojit “Merhaba”, më saktë 550 mijë paketa. Policia ka vënë në pranga Irfan Ahmetin, 46 vjeç, banues në Maqedoni, Ilir Dengun, 53 vjeç, banues në Tiranë dhe Gjuljen Sami, 52 vjeç.
Kjo e fundit është bashkëshortja e komandantit të UÇK, Izeir Sami-Baci nga Tetova.
Gjuljen Sami ka shtetësi turke, por është shqiptare dhe jeton në Tetovë.
Ajo në prill të vitit 2010, gjatë vizitës në Tetovë të Presidentit Bamir Topi pati një takim me këtë të fundit si një sipërmarrëse e suksesshme.
Ndërsa në këtë fotografinë tjetër ajo dallohet mes disa intelektualëve të Tiranës si Prof.dr. Lisien Bashkurti, Idriz Sinani dhe të tjerë.
Gjuljen Sami u arrestua në operacionin me kodin ,”Eklips”, për kontrabandë cigaresh me vlerë në tregun e lirë rreth 154 milionë lekë, afërsisht 1 milion euro.
