Pronari i një lokali në kryeqytet është vënë në pranga pasi në kundërshtim me ligjin kishte hapur biznesin e tij për lojëra fati, ndërsa 6 të tjerë, personat që u konstatuan në flagrancë se po luanin janë vënë në hetim.
Mësohet se pronari i arrestuar është E. B., 40 vjeç, banues në Tiranë I cili kishte në pronësi një lokal në rrugën “Haki Stërmilli” në Kombinat.
Nga kontrollet u konstatua se 6 personat ndaj të cilëve ka nisur hetimi janë kapur duke luajtur lojëra me letra pokeri me lekë.
Mbi ta rëndon akuza për veprën penale “Organizim ose ushtrim i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.
Ndërkohë policia në cilësinë e provës materiale u sekuestruan letra pokeri dhe sasia e lekëve që ishin vënë në lojë.
