Paraditen e sotme ka rënë në pranga themeluesi i Wikileaks, Julian Assange.
Arrestimi ka ndodhur në ambasadën e Ekuadorit në Londër ku ai ishte strehuar shtatë vite më parë. Assange i ishte shmangur ekstradimit në Suedi ku akuzohej për sulme seksuale, akuze e cila është rrëzuar.
Ekuadori kishte refuzuar se fundmi të ofronte azilin për themeluesin e Wikileaks, faqe e cila publikoi të dhëna sekrete dhe kabllograme të qeverise amerikane, por jo vetëm. Pas kësaj u paralajmërua direkte arrestimi i Assange nga policia metropolitane, të cilët e shoqëruan Assange në një rajon policor për t’u përballur me gjykatën në Westminister sa me shpejt që të jetë e mundur.
