Arrestimi i gazetarit investigativ Artan Hoxha u bë pasi sipas Prokurorisë së Krimeve të Rënda ai nxorri sekretin hetimor gjatë emisionit “Opinion”
Gazetari Artan Hoxha është mbajtur i shoqëruar për gati 3 orë mbrëmjen e djeshme nga Prokuroria e Krimeve të Rënda.
Shoqërimi i tij u bë për nxjerrjen e sekretit hetimor pasi gazetari Hoxha gjatë emisionit “Opinion” tregoi se piloti italian që u rrëzua në Durrës kishte pranuar se erdhi në Shqipëri që të provonte pistën e ndërtuar në Ishëm dhe pas të trafikontë drogë nga Shqipëria drejt Italisë.
“Më thanë kemi një urdhër për shoqërim. Do të marrim në pyetje. Dyshojmë për nxjerrje sekreti hetimor” deklaroi Artan Hoxha mbrëmë para se të shkojë në Prokurorinë e Krimeve të Rënda.
Gazetari Hoxha është mbajtur në Prokurorinë e Krimeve të Rënda deri në orën 02:50 të 16 shtatorit
“Me kane sekuestruar telefona .Isha në prokurori se mbrojta burimet e mija. Kam dhënë një informacion të vërtetë”, deklaroi gazetari Artan Hoxha pas daljes nga Prokuroria e Krimeve të Rënda.
