Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Arrestohet në Spanjë shqiptari, kapo i trafikut të drogës nga Kolumbia (film)

Nga Ejona 0

Një shqiptar i shumë kërkuar në Holandë është vënë në pranga nga policia spanjolle.

Emri i tij nuk është bërë i ditur, ndërsa bëhet fjalë për një person të implikuar në trafiqe droge nga Amerika Latine në Europë.

Shqiptari ka qenë i izoluar në shtëpinë e tij për shkak të pandemisë së re të koronavirusit, kur është vënë në pranga.

Drejtësia holandeze kishte lëshuar një urdhër arresti ndërkombëtar pasi shqiptari është kreu i një organizate kolumbiane-shqiptare, e dedikuar në trafikun e drogës dhe pastrimin e parave.

Hetimi për të gjetur vendndodhjen e tij filloi në shtatorin e vitit të kaluar kur u arrestuan disa persona dhe u gjetën në Holandë 12 milion euro.

Shqiptari i shumëkërkuar ishte i pajisur me dokumente Kolumbiane dhe Ekuadorase.

Për arrestimin e tij u angazhuan forca të njësisë operacionale të antidrogës në shtetin spanjoll.

Ai u arrestua në shtëpinë e tij, ku agjentët sekuestruan më shumë se 40.000 euro në monedha të ndryshme (euro, dollarë amerikanë dhe dollarë kanadezë), njëzet orë prej ari, xhevahire të shumta, të cilat kapnin vlerën e më shumë se një milion euro.

Gjithashtu u sekuestruan tre kompjuterë, gjashtë telefona celularë dhe një dron.

Përveç faktit se shqiptari është shumë i njohur në botën e krimit, autoritetet spanjolle nuk kanë informuar për identitetin e tij, por kanë njoftuar se në orët në vijim do të ketë një njoftim të dytë

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej