Policia italiane ka bërë të mundur arrestimin e një prej personave më të kërkuar për trafik drogë në Itali.
Bëhet fjalë për Roço Morabito, 55 vjeç, i cili njihet ndryshe si “mbreti i kokainës” në Milano, mbi të cilin ishte lëshuar urrdhër-arresti që në vitin 1995.
Morabito, i cili mori letrat uruguaiane pas paraqitjes së një pasaporte të rreme braziliane në emër të Francisco Capeletto, u arrestua të hënën në një hotel luksoz në Montevideo, kryeqyteti i Uruguait, së bashku me gruan e tij.
Policia uruguajane tha se Morabito u arrestua pas një hetimi gjashtë mujor që erdhi si rezultat i regjistrimit të vajzës së tij në një shkollë lokale nën emrin e tij.
Atij ju zbuluan 13 telefona celularë, 12 karta bankare, dy makina, 150 fotografi me madhësi të pasaportave të tij në forma të ndryshme plus një pasaportë portugeze, një sasi bizhuterish, rreth 50,000 dollarë me para në dorë dhe një pistoletë 9mm, tha ministria e brendshme vendase.
