Policia e Kosovës ka arrestuar paraditen e kësaj të premteje ish-kreun e Lëvizjes Vetëvendosje, Albin Kurti.
Kurti u prangos pas urdhrit të lëshuar nga Gjykata Themelore e Prishtinës një ditë më parë për mosparaqitje në seancën gjyqësore.
Ai akuzohet për hedhjen e sprajit dhe gazit lotsjellës në Kuvendin e Kosovës gjatë seancave të vitit të kaluar.
Kurti së bashku me deputetë të tjerë të Vetë vendosjes tentuan të bllokojnë ratifikimin e Marrëveshjes së Demarkacionit me Malin e Zi.
Një ditë më parë, gjyqtari Beqir Kalludra urdhëroi arrestimin e deputetëve Kurti, Kadaj-Bujupi dhe Haxhiu, madje u caktoi edhe paraburgim, për shkak të mosparaqitjes së tyre në seancën gjyqësore ndaj hedhjes së gazit lotsjellës.
