Policia e Tiranës ka arrestuar 4 persona pasi janë kapur në flagrancë duke përgatitur një silenciator për të kryer vrasjen e një shtetasi, për motive gjakmarrje.
Në pranga kanë rënë shtetasit Edmond Marku, 32 vjeç, banues në Durrës, i shpallur në kërkim nga Komisariati i Policisë Lezhë për Vjedhje, Blindim Isa, 25 vjeç, banues në Kukës, i dënuar më parë për “Vrasje me dashje”, Artur Shehu, 22 vjeç, banues në Tiranë, i dënuar më parë për Prodhim dhe mbajtje të lëndëve narkotike, si dhe Klodjan Koca, 34 vjeç, banues në Fush-Kuqe.
Arma e gjetur në banesën e shtetasit Edmond Marku së bashku me materialet proceduriale i’u kaluan Prokurorisë pranë Gjykatës së shkallës së Parë Tiranë, për veprat penale të “Sigurimi i kushteve dhe i mjeteve materiale për të kryer vrasje” në bashkëpunim dhe “Armëmbajtje pa leje”.
