Policia e Durrësit ka proceduar penalisht dy persona për ndotje të ajrit.
Mësohet se shtetasit me iniciale B.A 51 vjeç dhe K.T 56 vjeç, kanë djegur mbeturina të ndryshme, duke shkaktuar ndotje të ajrit tek Gjiri i Lalëzit.
Bëhet me dije se materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Ndotja e ajrit”.
Njoftimi i policisë:
Vijojnë operacionet kundër krimeve mjedisore.
Ndotën ajrin duke djegur mbeturina, procedohen penalisht 2 shtetas.
Në vijim të kontrolleve të vazhdueshme për parandalimin e krimeve mjedisore, specialistët e Stacionit të Policisë Manzë proceduan në gjendje të lirë shtetasit:
B. A., 51 vjeç dhe K. T., 56 vjeç, banues në Ishull dhe Kullë, pasi, tek Gjiri i Lalëzit, kanë djegur mbeturina të ndryshme, duke shkaktuar ndotje të ajrit.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Ndotja e ajrit”.
